Mae angen llofnod ar gyfer pob danfoniad bagiau. Os nad yw eich busnes ar agor yn ystod oriau danfon, cysylltwch â ni.

Byddwch yn derbyn e-bost pan fyddwn wedi danfon eich bagiau. Ar ôl i’ch bagiau gael eu danfon, codir tâl arnoch ar eich anfoneb nesaf.

Os na allwn ddanfon eich bagiau, byddwn yn ceisio eu danfon eto ar y dyddiad nesaf sydd ar gael.

Os na allwn ddanfon eich bagiau yr ail dro, byddwn yn cau’r cais, ac ni chodir tâl arnoch. Bydd angen i chi ail-archebu’r bagiau.

Byddwn yn gadael eich biniau a’ch cadis ar y palmant y tu allan i’ch busnes, oni bai bod lleoliad arall wedi’i gytuno.

Bydd label ar y bin, fel eich bod yn gwybod ei fod yn perthyn i chi.

Mae’n rhaid i chi dynnu’r cynwysyddion oddi ar y palmant cyn gynted ag y gallwch. Dim ond ar gyfer casgliadau y gall eich cynwysyddion fod ar y palmant. Os nad oes lle gennych i’w storio, cysylltwch â ni i drafod eich opsiynau.

Byddwn yn rhoi biniau newydd i chi am ddim os yw eich biniau’n cael eu difrodi neu’n mynd ar goll yn ystod y broses gasglu. Bydd ein tîm casglu yn rhoi gwybod am fin sydd wedi’i ddifrodi neu ei golli, a byddwn yn trefnu bin newydd. Nid oes angen i chi gysylltu â ni.

Os nad yw’r difrod yn ganlyniad i draul neu wedi’i achosi yn ystod casgliad, efallai y byddwn yn codi tâl arnoch am fin newydd. Er enghraifft, os ydynt yn cael eu difrodi trwy gamddefnydd.

Codir tâl am finiau sy’n mynd ar goll neu’n cael eu dwyn.