Bydd lleihau faint o wastraff yr ydych yn ei gynhyrchu a chynyddu eich gwastraff ailgylchu yn arbed arian i’ch busnes ac yn lleihau’r effaith ar yr amgylchedd.
Dyma rai syniadau i leihau faint o ailgylchu a gwastraff y mae eich busnes yn eu cynhyrchu.
Yn y swyddfa
- Trefnwch gasgliad ar gyfer ailgylchu cymysg – y ffordd fwyaf hawdd o ailgylchu. Mae’r holl ddeunydd ailgylchu’n mynd i’r un bag!
- Lleihewch nifer y negeseuon sothach yr ydych yn eu derbyn drwy gofrestru’ch busnes ar gyfer y Gwasanaeth Blaenori Post
- Sicrhewch fod mannau ailgylchu gweladwy â labeli amlwg i gwsmeriaid ac aelodau staff. Mae croeso i chi ddefnyddio ein posteri ailgylchu
- Peidiwch â defnyddio gormod o ddeunydd pacio gydag eitemau tec-awê neu unrhyw beth yr ydych yn ei anfon drwy’r post;
- Ailddefnyddiwch ddeunyddiau megis bocsys cardfwrdd, papur lapio swigod ac amlenni;
- Argraffwch yn ôl yr angen yn unig ac argraffwch ar ddwy ochr y dudalen i arbed papur
- Rhowch orsafoedd ailgylchu papur ger peiriannau copïo ac argraffwyr
- Trwsiwch neu ailddefnyddiwch ddodrefn, offer TG a ffonau symudol os yw’n bosibl
Yn y gegin/ffreutur
- Trefnwch gasgliad gwastraff bwyd
- Dylech osgoi rhoi cwpanau a chyllyll a ffyrc tafladwy i aelodau staff a chwsmeriaid
- Ailgylchu olew coginio
Green Dragon EMS
Mae Cyngor Caerdydd yn ymrwymo wrth Safon Rheoli Amgylcheddol Green Dragon, sy’n cydnabod ein hymroddiad i gynaliadwyedd amgylcheddol. Gallwch chithau gofrestru a bydd eich busnes yn elwa ar system rheoli amgylcheddol sy’n berthnasol i chi.
I ddarganfod mwy ewch ar wefan Green Dragon
